Britaniýaly kinorežissýor Kristofer Nolan kino pudagyna goşant goşanlary üçin rysarlyk titulyny aldy. Dabara Bukingem köşgünde geçirildi. Beýik Britaniýanyň patyşasy Karl III Nolanyň aýaly, prodýuser Emma Tomasa hem “hanym” titulyny berdi diýip, People neşiri habar berýär.
Režissýor bu hormata aýaly bilen bilelikde mynasyp bolmagynyň örän möhümdigini belledi. Ol Emma bilen kinoda bilelikde işlemäge uniwersitet ýyllarynda başlandygyny belläp geçdi. Olar bilelikde “Başlangyç”, “Insterstellar”, “Delil” we “Oppengeýmer” ýaly filmleri surata düşürdiler.
Dabarada Karl III ýedi “Oskar” baýragyny we olara ilkinji gezek BAFTA baýragyny getiren ýadro bombasyny dörediji baradaky filme aýratyn baha berdi. Patyş bu filmi diýseň halandygyny boýun aldy.
Nolanyň indki taslamasynyň relizi 2026-njy ýyla meýilleşdirilýär. Filmde baş keşbi aktýor Mett Deýmon oýnap biler.
Beýik Birtaniýada rysarlyk titullary dürli ugurlarda öňdebaryjy hyzmatlar üçin berilýär. Kino pudagynda bu baýraga dürli ýyllarda Entoni Hopkins, Deniel Deý-Lýuis, Stiwen Spilberg, Şon Kerri, Maýkl Keýn we Çarli Çaplin mynasyp boldy.
