2050-nji ýyla çenli Beýik Britaniýada 6 milliondan gowrak emläk desgasy suw astynda galyp biler. Bu Britaniýanyň daşky gurşawy goramak boýunça agentliginiň (Environment Agency, EA) täzelenen hasabatyndan gelip çykýar.
Suw basmak töwekgelçiligine milli baha bermelere (NaFRA) görä, ýüzýyllygyň ortasyna çenli her dördünji desga töwekgelçilikli zolakda bolar.
Aýratynam, üstki suwlar uly howp döredýär: 6,3 million desgadan 4,6 millony zeýkeş ulgamlarynyň dolmagy sebäpli suw basyp almak howpunyň astyndadyr. Bu görkeziji 2018-nji ýylda hödürlenen öňki çaklamalardan 43% ýokarydyr.
Ýene 2,4 million desga derýalar we deňizler tarapyndan basyp almak töwekgelçiligi ýokary bolan zolaklarda ýerleşýär.
Maglumatlary kämilleşdirilen modelirleme we seljeriş tehnologiýalarynyň kömegi bilen anyklamak başartdy. Suw basyp almak töwekgelçiliklerini dolandyryş strategiýasy boýunça müdir Juli Foli uzak möhletleýin meýilnamalaşdyryş we howplardan goramak üçin täze maglumatlary hasaba almagyň zerurdygyny belledi.
Hasabatyň awtorlary häkimiýetleri çäkleri goramak boýunça çäreleri güýçlendirmäge, gurluşykçylary bolsa gurluşyk ýerleri saýlananda töwekgelçilikleri göz öňünde tutmaga çagyrdy.
