17-nji dekabrda hytaýly kosmonawtlar Saý Sýuýçže we Sun Lindun dokuz sagatlyk açyk kosmosa çykyşy tamamladylar. “Şençžou-19” gämisiniň ekipažy bortuň daşynda 9 sagat 6 minut boldy diýip, HHR-iň Dolandyrylýan kosmos uçuşlarynyň agentligine salgylanyp, CNN habar berýär.
Öňki rekord 2001-nji ýyldan bäri NASA degişlidi. Şonda astronawtlar Jeýms Woss we Sýuzan Helms Discovery gämisiniň daşynda 8 sagat 56 minut wagt sarp etdiler.
Hytaý açyk kosmosa ilkinji gezek 2008-nji ýylda çykdy, şonda kosmonawt Çžaý Çžigan “Şençžou-7” gämisiniň daşynda 20 minut töweregi boldy. Şondan bäri ýurt kosmos tehnologiýalaryny işjeň ösdürmegi dowam etdirýär. Şu ýylyň maý aýyndan bäri ulanylýan häzirkizaman ikinji nesil skafandrlary 8 sagada çenli awtonom işi üpjün edýär, bu bolsa öňki modelleriň görkezijilerinden iki esse köpdür.
