Hytaýly Ýan Li 87 kg-den ýokary agram derejesinde silterläp götermekde dünýä rekordyny goýdy. Üstünlik Manamada (Bahreýn) geçirilen agyr atletika boýunça dünýä çempionatynda hasaba alyndy.
Türgen 149 kg netijäni görkezip, 2021-nji ýylyň aprelinden bäri saklanýan watandaşy Li Wenweniň rekordyny (148 kg) täzeledi.
Itekläp götermekde Li 175 kg aldy we 324 kg umumy netije bilen altyn medal gazandy.
Ikinji orny Günorta Koreýadan Pak He Çon eýeledi – 295 kg (silterläp götermekde 124 kg + itekläp götermekde 171 kg), bürünç medala ýene bir koreýaly Son Ýonghi mynasyp boldy – 280 kg (118+162).
Agyr atletika boýunça dünýä çempionaty 15-nji dekabrda tamamlandy.
