Koenigsegg Jesko giperkary Top Gear synag ýolunyň rekordyny täzeledi we meşhur Dunsfold ýolunda iň ýyndam seriýalaýyn awtoulag boldy. Tapgyr 1 minut 10,9 sekuntda tamamlandy diýip, Speedme habar berýär.
Giperkar kuwwaty 1600 at güýjüne deň bolan hereketlendiriji bilen enjamlaşdyrylandyr. Modeliň nazary taýdan sagatda 500 km tizlige ýetmäge ukyply Jesko Absolut wersiýasy bar, ýöne ýaryşda maksimal dolandyryş we aşak basyjy güýç üçin ýörite döredilen Attack wersiýasy görkezildi.
Ferrari FXX ýa-da Caparo T1 ýaly has çalt awtoulaglar bar hem bolsa, olar seriýalaýyn öndürilýän awtoulaglar hasaplanmaýar we jemgyýetçilik ýollary üçin niýetlenen däldir. Jesko iki ýolagça niýetlenen doly ýol awtoulagy bolmagynda galýar.
