Şweýsariýanyň Lusern şäherinde Ýewropa kinoakademiýasynyň 37-nji baýrak gowşurylyş dabarasy geçirildi. Şu ýyl esasy baýrak Netflix-iň kriminal mýuzikli bolan “Emiliýa Perese” gowşuryldy diýip, The Hollywood Reporter habar berýär.
Žak Odiaryň filmi dört baýrak aldy: iň gowy film, režissura, edebi esas we zenan keşbi üçin. Dabaradan öň “Emiliýa Peres” gowy kebşirlenendigi üçin sylaglandy.
Film maý aýynda Kan film festiwalynda görkezildi. Filmde neşe karteliniň (Karla Sofiýa Gaskon) baştutanyndan adaty bolmadyk teklip alan ýurist zenan Rita (Zoi Saldana) hakda gürrüň berilýär. Bu onuň durmuşyny düýbünden tersine çöwürýär we howply netijelere getirýär.
Latwiýanyň “Akym” (“Поток”) filmi 77-nji Kan film festiwalynda sensasiýa öwrülen we Latwiýa tarapyndan Oskara dalaşgär görkezilen iň oňat multfilm hökmünde ykrar edildi.
Baýrak alanlaryň doly sanawy:
Ýewropanyň iň gowy filmi:
- "Emiliýa Peres" («Эмилия Перес»)
Iň gowy režussura:
- Žak Odiar - "Emiliýa Peres" («Эмилия Перес»)
Iň gowy aktýor:
- Abu Sangare - "Süleýmanyň başdan geçiren wakasy" («История Сулеймана»)
Iň oňat aktrisa:
- Karla Sofiýa Gaskon - "Emiliýa Peres" («Эмилия Перес»)
Iň oňat edebi esas:
- "Emiliýa Peres" («Эмилия Перес»)
Iň oňat multfilm:
- "Akym" («Поток»)
Ýylyň açyşy:
- "Arman" - režissýor Halwdan Ulman Týondel («Арман»)
Iň oňat dokumental film:
- "Başga mekan ýok" («Нет другой земли»)
