Türkmenistanyň Mejlisiniň Karary bilen Prezident Serdar Gurbangulyýewiç Berdimuhamedow Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşanlar toplumy bilen sylaglanyldy.
Bellenilişi ýaly bu ýokary sylag Türkmenistanyň Prezidentine Magtymguly Pyragynyň edebi mirasyny toplamakda, ylmy esasda öwrenmekde, möhüm syýasy-filosofik, jemgyýetçilik, ynsanperwerlik, ruhy-ahlak garaýyşlaryny wagyz etmekde we durmuşa geçirmekde, ýaş nesli Magtymguly Pyragynyň ynsanperwer ruhy-ahlak garaýyşlarynyň esasynda terbiýelemekde, şahyryň edebi mirasyny kanun esasynda ebedileşdirmekde bitiren görnükli hyzmatlaryny göz öňünde tutup gowşuryldy.
Şeýle hem Türkmenistanyň Halk Maslahatynyň wekillerinden, ýurdumyzyň iri jemgyýetçilik birleşiklerinden, zähmet toparlaryndan we raýatlardan gelip gowşan teklipler göz öňünde tutuldy.
