Pariž 2024-nji ýylyň iň gowy syýahatçylyk ugurlarynyň ýyllyk reýtinginde birinji orny eýeledi. Dünýäniň öňdebaryjy 20 şäherinden ybarat sanaw Euromonitor International hyzmaty tarapyndan düzüldi diýip, Daily Mail habar berýär.
Reýting ykdysady we işewürlik netijeliligi, syýahatçylyk infrastrukturasynyň ösüşi, saglyk we howpsuzlyk derejeleri, şeýle-de daşarky kynçylyklara durnuklylyk ýaly birnäçe görkezijileriň seljermesine esaslanýar. Şäherleriň ekologiýa syýasaty hem göz öňünde tutuldy.
Fransiýanyň paýtagty Pariž syýahatçylaryň arasynda meşhurlygyny ýene bir gezek tassyklady. Reýtingde ikinji orny Madrid, üçünji orny Tokio eýeledi. Öňdebaryjylaryň bäşligine Rim we Milan hem girdi.
Reýtinge goşulan beýleki ugurlaryň arasynda Nýu-Ýork, Amsterdam, Sidneý, Singapur, Barselona, Taýbeý, Seul, London, Dubaý, Berlin, Osaka, Bangkok, Los-Anjeles, Stambul we Melburn hem bar.
Sanaw syýahatçylara baryp görmek üçin ugurlary saýlamaga kömek etmek, şeýle-de syýahatçylykda durnukly ösüşiň ähmiýetine ünsi çekmek maksady bilen düzülýär.
