Taýlaryň däp bolan tom-ýam-kung çorbasy ÝUNESKO-nyň maddy däl medeni mirasynyň sanawyna girizildi. Naharyň sanawa goşulandygy barada Tailandyň Medeniýet ministri Sudawan Wangsuphakitkoson habar berdi.
Ministriň sözlerine görä, tom-ýam-kung tailandlylaryň tebigata we sagdyn durmuş ýörelgesine bolan söýgüsini görkezýär. Çorbanyň ady onuň esasy elementlerinden gelip çykýar: "gaýnadylan", "krewetka" we "suw".
Naharyň gelip çykyşy Tailandyň merkezindäki daýhan birleşiklerinden gaýdýar, ol ýerde ony krewetka, limon, lemongrassa, burç we balyk sousy ýaly ýerli önümleri ulanmak bilen taýýarlanýar. Ministr “tom-ýam-kungy bişirmek dessurynyň hemişe nesilden-nesle geçýändigini” nygtady.
Tom-ýam eýýäm köp düşündirişleri alyp, Tailandyň daşynda meşhurlyk gazandy. Ýurduň özünde ony taý medeniýetiniň ösmegine kömek edýän “ýumşak güýç” diýip atlandyrýarlar.
Çorba ÝUNESKO-nyň sanawynda Tailandyň beýleki, şol sanda taý owkalamasy, nykaply tans we budduzm aý senenamasyna laýyklykda täze ýylyň gelendigine bagyşlanan “Songkran” suw festiwaly ýaly medeni nyşanlarynyň üstüni ýetirer.
