Hytaýyň awtoulag öndürijisi BYD satuwyny artdyrmagyny dowam etdirýär. Kompaniýa 2024-nji ýylyň noýabr aýynda rekord derejede, ýagny 506,804 sany awtoulag satdy. Bu geçen ýylyň degişli döwri bilen deňeşdirilende 67,87% köpdür diýip, auto.ru ýazýar.
Satuwyň esasy bölegi 198,065 elektrik, 305 938 plagin-gibrid ýolagçy awtoulaglaryndan ybaratdyr. Gibrid satuwlary oktýabr aýynda birneme peselmegine garamazdan, geçen ýyl bilen deňeşdirilende 133,13% ýokarlandy.
Şeýle hem, kompaniýa 2,801 birlik satuwy bilen söwda segmentinde ösüşi hasaba aldy, bu bolsa bir ýyl ozalkydan 4,3 esse köpdür.
Şeýle-de bolsa, şol bir wagtyň özünde onuň eksport üpjünçiligi birneme pes derejede bolmaklygynda galýar. Noýabr aýynda bu kompaniýa daşary ýurtlara 30,977 awtoulag satdy, bu bolsa geçen ýyl bilen deňeşdirilende bary-ýogy 1,14% köp.
2024-nji ýylyň 11 aýynda BYD-iň umumy satuwy 3,757.336 ulaga ýetdi, ol 2023-nji ýyldakydan 40.02% köpeldi.
Ýolagçy segmentinde kompaniýa 1,557,258 elektrik awtoulagyny (+ 12.51%) we 2,183.672 gibridini (+ 69,45%) satdy.
BYD kompaniýasy goşmaça titul markalaryndan “Denza”, “Fang Cheng Bao” we “YangWang” ýaly brendlere eýeçilik edýär.
