Aşgabatda Aral deňziniň howdany üçin Ýörite maksatnamasyny döretmegiň şertleri maslahatlaşyldy

  • düýn 16:02
  • 1.8k+
Aşgabatda Aral deňziniň howdany üçin Ýörite maksatnamasyny döretmegiň şertleri maslahatlaşyldy

30-njy noýabrdan 1-nji dekabr aralygynda Aşgabatda Aziýa-Ýuwaş ummany sebiti boýunça Ykdysady we durmuş komissiýasynyň (ESCAP) BMG-niň Aral deňziniň howdanynyň ýurtlary üçin Ýörite maksatnamasynyň döredilmegini ara alyp maslahatlaşmak boýunça sebitleýin maslahaty geçirildi.

Türkmenistanyň DIM-niň habar berşi ýaly, duşuşygyň maksady BMG-niň Aral deňziniň howdanynyň ýurtlary üçin Ýörite maksatnamasynyň esasynda Aralyň suw baýlyklaryny gorap saklamak we tebigy betbagtçylyklaryň öňüni almak boýunça sebitleýin hyzmatdaşlygy güýçlendirmek boýunça ösüşe baha bermekden we täze mümkinçilikleri kesgitlemekden ybarat boldy.
Çärä gatnaşanlar BMG-niň Aral deňziniň howdany üçin Ýörite maksatnamasyny döretmegiň şertlerini we formatlaryny ara alyp maslahatlaşdylar.
Çärä Merkezi Aziýa ýurtlarynyň ministrlikleriniň we pudaklaýyn edaralarynyň, Araly halas etmegiň Halkara gaznasynyň, BMG-niň Merkezi Aziýa üçin öňüni alyş diplomatiýasy boýunça sebit merkeziniň, BMG-niň edaralarynyň wekilleri, şeýle hem suw çeşmeleri, howanyň üýtgemegi we tebigy betbagtçylyklaryň öňüni almak ýaly ugurlar boýunça hünärmenler gatnaşdylar.

Belläp geçsek, Aral deňziniň howdanynyň ýurtlary üçin BMG-niň Ýörite maksatnamasyny döretmek baradaky teklip 2012-nji ýylda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow tarapyndan öňe sürlüpdi. 2023-nji ýylyň maýynda BMG-niň Aziýa-Ýuwaş umman sebiti boýunça Ykdysady we durmuş komissiýasynyň Bangkokda (Tailand) geçirilen 79-njy sessiýasynyň netijeleri boýunça Türkmenistanyň başlangyjy esasynda bu Komissiýanyň «Birleşen Milletler Guramasynyň Aral deňziniň howdany boýunça Ýörite Maksatnamasynyň döredilmeginiň şertlerine garamak» atly Kararnamasy biragyzdan kabul edildi.
Duşuşygyň jemleri boýunça indiki ädimler ylalaşyldy, kabul edilen resminama 2025-nji ýylyň 21-25-nji aprelinde Bangkokda geçiriljek ESCAP-yň 81-nji mejlisinde hödürlener.


düýn 23:14
382

Türkmenistan Italiýa bilen köptaraplaýyn hyzmatdaşlygyň torlaryny döreter

3-nji dekabrda Türkmenistanyň DIM-nde Italiýanyň wekiliýeti bilen duşuşyk geçirildi. Türkmenistanyň DIM-niň saýtynda habar berlişi ýaly, Italiýanyň daşary işler we halkara hyzmatdaşlygy ministrliginiň ilçisi Federiko...

düýn 16:26
4.3k+

Türkmen wekiliýeti Eýranda YHG-nyň Ministrler Geňeşiniň 28-nji mejlisine gatnaşdy

3-nji dekabrda Türkmenistanyň daşary işler ministriniň orunbasary A.Gurbanowyň ýolbaşçylygyndaky wekiliýet Eýran Yslam Respublikasynyň Maşat şäherinde geçirilen Ykdysady hyzmatdaşlyk guramasynyň Daşary işler ministrleriniň...

düýn 16:21
2.6k+

Raşid Meredow Sergeý Lawrow bilen telefon arkaly söhbetdeş boldy

2-nji dekabrda Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda telefon arkaly söhbetdeşlik geçirildi. Türkmenistanyň DIM-niň habar...