"Harri Potter we jadygöýlik daşy” kitabynyň ilkinji tiraždan bir nusgasy Britaniýanyň “Liçfild” şäherindäki Rare Book Auctions auksionynda 36 müň funt sterlinge satyldy. Bi-bi-siniň habar bermegine görä, alyjynyň premiýasyny göz öňünde tutup, ahyrky baha 45 müň funt boldy.
Kitaby 1997-nji ýylda Kristina MakKallok Stratford-na-Eýwonda öz ogly Adam üçin 10 funta satyn aldy. Bu şol ýyl çykarylan ilkinji tiražyň gaty daşly 500 nusgasynyň biridir.
Derbişir sebitiniň Tansli obasynda ýaşaýan Adam MakKallok bu kitabyň köp wagtlap Çesterfilddäki öňki maşgala öýünde – basgançagyň aşagyndaky şkafda saklanandygyny gürrüň berdi.
Maşgala bu nusganyň gymmatly bolup biljekdigi barada 2020-nji ýylda lokdaun wagty bildi. Birinji nusgalar baradaky wakalary görüp, olar “öz gözlerine ynanmady”.
Kristina satyn alan pursatyny ýatlaýar: “Biz [kitap dükanyna] girdik we ony 10 funta satyn aldyk. Adam bu kitaby gowy gördi we dünýädäki köp çagalarda bolşy ýaly, onuň gyzyklanmasy şu kitapdan başlandy”.
