30-njy noýabrda Türkmenistanyň Eýrandaky täze bellenen Adatdan daşary we Doly ygtyýarly ilçisi Ylýas Gaýypow Eýranyň daşary işler ministri Seýed Abbas Aragçä ynanç hatynyň nusgalaryny gowşurdy. Bu barada Türkmenistanyň DIM-niň metbugat gullugy habar berýär.
Eýranyň daşary syýasat edarasynyň ýolbaşçysy ilçini jogapkärli wezipä bellenmegi bilen gutlap, oňa alyp barýan işlerine eýran tarapynyň goldaw bermäge taýýardygyny belledi.
Duşuşygyň dowamynda taraplar Türkmenistan bilen Eýranyň arasyndaky hyzmatdaşlygyň häzirki ýagdaýy we geljegi dogrusynda pikir alyşdylar. Özara gyzyklanma bildirilýän ähli ugurlarda iki ýurduň arasyndaky hyzmatdaşlygyň işjeňleşýändigi bellenildi.
Ilçi Y.Gaýypow hem öz gezeginde Türkmenistan bilen Eýranyň arasyndaky gatnaşyklary pugtalandyrmak üçin ähli tagallalary etjekdigine ynandyrdy.
