Resonance Consultancy konsalting kompaniýasy tarapyndan düzülen The World’s 100 Best Cities 2024 reýtinginde on ýyl bäri London birinji orunda durýar. Taslamanyň web sahypasynda bellenip geçilişi ýaly, iňlis paýtagty “dowamly ruhy we deňeşdirip bolmajak global özüne çekijiligi” üçin ýokary bahalara eýe boldy.
Barlagçylar 12 milliondan gowrak ilatly Londonyň ulag ulgamynyň, daşky gurşaw başlangyçlarynyň, maýa goýum kuwwatynyň we myhmanhana pudagynyň ösendigini bellediler.
"Londonyň taryhy mirasy bilen häzirki zaman maksatlarynyň arasyndaky sinergiýa ony diňe bir şu günüň şäheri däl, eýsem geljegiň paýtagty ýaly orunda goýýar" diýlip hasabatda aýdylýar.
Reýtingde Nýu-Ýork ikinji orny eýeledi, ol “egsilmez ruhy” we pandemiýadan soň çalt dikelmegi bilen tapawutlanandygy bellendi.
Pariž üçünji orny eýeledi. Awtorlaryň sözlerine görä, bu şäher "şäher täzelenişi çygrynda geljege gönükdirilen başlangyçlary bilen bizi geň galdyrmagy dowam etdirýär".
"Pariž dünýäniň başga hiç bir ýerinde bolmadyk pyýada ýöremekligi, welosiped sürmegi we açyk howadaky durmuşy ulgamlaşdyrdy" – diýip, reýtingi düzüjiler bellediler.
Şeýle hem ilkinji onluga Tokio, Singapur, Rim, Madrid, Barselona, Berlin we Sidneý girdi.
