Bütindünýä saglygy goraýyş guramasy (BSGG) çagalarda maýmyn mamasynyň (mpox) öňüni almak üçin niýetlenen LC16m8 sanjymynyň tassyklanandygyny habar berdi. Sanjym dünýäde bu ýaş topary üçin ilkinji sanjymdyr.
Bu ädim BSGG-niň şu ýylyň awgust aýynda jemgyýetçilik saglygy goraýyş ulgamynda adatdan daşary ýagdaý diýlip ykrar edilen ýokanç kesel bilen göreşmek boýunça global meýilnamasynyň bir bölegidir.
LC16m8 sanjymy Ýaponiýanyň KM Biologics kompaniýasy tarapyndan işlenip taýýarlandy. Öň, BSGG Daniýanyň Bavarian-Nordic kompaniýasy tarapyndan öndürilen ulular üçin MVA-BN sanjymyny tassyklapdy. Onuň tassyklanmagy 2024-nji ýylyň sentýabr aýynda boldy.
Şol bir wagtyň özünde Ýaponiýa Kongo Demokratik Respublikasyna ýörite sanjym iňňeleri bilen birlikde 3,05 mln doza LC16m8 muzdsuz bermek barada yglan etdi. Käbir maglumatlara görä, bu ýerde kesel eýýäm müňden gowrak adamyň ölümine getirdi. Bu sebit üçin iň uly kömek bukjasy bolar.
Belläp geçsek, sanjym mamanyň öňüni almak üçin işlenip taýýarlandy, ýöne 2022-nji ýylda ýapon häkimiýetleri onuň mpox-a garşy ulanylmagyny goşmaça tassykladylar.
