OpenAI-yň emeli aň modeli o1 AIME amerikan matematika olimpiadasynyň testinde ýüzden 83 bal netijäni görkezdi. Ol iň gowy 500 gatnaşyjynyň hataryna girdi.
Netije emeli aňyň öňki üstünliklerinden, şol sanda öň 13 bal gazanan GPT-4o modelinden hem ep-esli ýokarydyr.
Häzirkizaman neýroulgamlary, esasan, maglumaty çalt we intuitiw işlemegi göz öňünde tutýan “ulgam 1” diýlip atlandyrylýan ýörelge boýunça işleýär. Ýöne täze model has öňe gidip, adam aňyna mahsus bolan “ulgam 2-ni” – meseleleri yzygiderli, ädimleýin seljermek ukybyny-da özleşdirdi.
Bu maglumatlaryň intuitiw işlenmeginden başga-da, o1-iň adam aňy üçin häsiýetli bolan çylşyrymly pikir ýöretmelere ukyplydygyny aňladýar.
Ýöne o1 modeliniň progresi ýokary hasaplaýyş çykdajylary we töwekgelçilikler bilen utgaşýar. Mysal üçin, OpenAI onuň biologik ýaragy döretmek üçin ulanylmagynyň howp derejesine ortaça hökmünde baha berýär, bu hem berk düzgünleşdiriji ülňüleriniň girizilmegini talap edýär.
Ylmy jemgyýet täze tehnologiýalaryň emeli aňyň geljegine edýän täsirini işjeň maslahatlaşýar. Şeýle ulgamlary işläp taýýarlamakda ekologiýa, howpsuzlyk we etika meseleleri möhüm bolup galýar.
