Türkmenistanyň Russiýa Federasiýasyndaky ilçisi Esen Aýdogdyýew Ispaniýa Patyşalygynyň Türkmenistanda täze bellenilen ilçisi Rikardo Martines Waskes bilen duşuşdy. Bu barada RF-däki türkmen ilçihanasynyň resmi saýtynda habar berilýär.
Rikardo Martines Waskes ilçi hökmünde diplomatik işini Moskwa şäherinden alyp barar.
Duşuşygyň barşynda ispaniýaly diplomata Türkmenistanyň içeri we daşary syýasatynyň ileri tutulýan ugurlary barada maglumat berildi.
Diplomatlar syýasy dialogy ösdürmek we halkara guramalarynyň çäklerinde, şol sanda BMG-niň çäklerinde özara gatnaşyklaryň tejribesiniň oňyn netijeleri barada pikir alyşdylar.
Duşuşygyň netijeleri boýunça taraplar aragatnaşyklary dowam etdirmegi we özara bähbitli hyzmatdaşlygy ösdürmegi ylalaşdylar.
