Hytaý Halk Respublikasynyň Türkmenistandaky ilçihanasy Döwletmämmet Azady adyndaky Türkmen milli dünýä dilleri institutynda hytaý dili hünäriniň mugallymlaryna we talyplaryna okuw kitaplary, okuw gollanmalary, sözlükleri, hytaý edebiýatynyň görnükli şahyrlaryň eserleriniň we goşgularynyň ýygyndylaryny dabaraly ýagdaýda sowgat berildi. Bu barada ýokary okuw mekdebiniň saýtynda habar berilýär.
Duşuşyga institutyň ýolbaşçylary, hytaý dili hünäriniň mugallymlary, şeýle hem Hytaý Halk Respublikasynyň Türkmenistandaky ilçisiniň maslahatçysy Joň Hua, birinji sekretary Tsian Weý, attaşeler Çan Min we Li Tsianin gatnaşdylar.
Duşuşygyň barşynda bilim ulgamyndaky türkmen-hytaý hyzmatdaşlygy, ýurdumyzyň orta we ýokary okuw mekdeplerinde hytaý diliniň okadylyşy, ýaşlaryň öwrenmäge bolan höwesiniň artýandygy barada gürrüň edildi.
Duşuşyga gatnaşyjylar sowgat berlen kitaplaryň türkmen ýaşlaryna hytaý diliniň inçe syrlaryny öwrenmäge giň mümkinçilikleri döretjekdigine ynam bildirdiler.
