NASA we Microsoft kompaniýasy NASA-nyň geografik giňişlikler baradaky maglumatlaryny seljermek we ýönekeýleşdirmek üçin niýetlenen Earth Copilot emeli aň botuny hödürlediler. Başlangyç ylmy maglumatlaryň giň köpçülige elýeterliligini ýokarlandyrmaga gönükdirilendir diýip, The Verge neşiri ýazýar.
Earth Copilot çylşyrymly maglumatlary ýönekeý we düşnükli jogaplara öwürmek üçin emeli aň tehnologiýasyny ulanýar. Ulanyjylar çat-bota NASA-nyň maglumatlary, mysal üçin, tebigy betbagtçylyklaryň netijeleri barada sorag berip, çylşyrymly ylmy maglumatlara esaslanýan ýönekeý jogaby alyp bilerler.
Häzirki wagtda Earth Copilot NASA-nyň alymlary we ylmy gözlegçileri tarapyndan synagdan geçirilýär. Olar EA botuny Ýer baradaky maglumatlary seljermäge we wizuallaşdyrmaga mümkinçilik berýän VEDA (Visualization, Exploration, and Data Analysis) platformasy bilen birleşdirmek mümkinçiligine baha berýärler.
Häzirlikçe gural diňe hünärmenlere elýeterlidir. Geljekde ony giň köpçülik üçin açmak meýilleşdirilýär, bu hem NASA-nyň maglumatlaryna elýeterliligi we olaryň seljermesini ep-esli aňsatlaşdyryp biler.
