Aşgabatda Jemgyýetçilik guramalarynyň merkezinde Magtymguly adyndaky Ýaşlar guramasynyň döredilen güni mynasybetli ýurdumyzyň zähmetde, döredijilikde aýratyn tapawutlanan ýaşlaryna Türkmenistanyň Ýaşlar baýragynyň gowşurylyş dabarasy geçirildi. 2024-nji ýylda bu arzyly baýraga 135 adam mynasyp boldy. Bu barada "Türkmenistan" gazetinde habar berilýär.
Bellenilişi ýaly, 2024-nji ýylda ýurdumyzyň ministrlikleri we pudaklaýyn dolandyryş edaralary, ýokary okuw mekdepleri, Aşgabat we Arkadag şäherleriniň, welaýatlaryň häkimlikleri tarapyndan ýaşlaryň 506-sy Türkmenistanyň Ýaşlar baýragyna hödürlenildi.
Ýeňiş gazananlaryň doly sanawyny Ýaşlar guramasynyň saýtyndan görüp bilersiňiz.
“Türkmenistanyň Ýaşlar baýragynyň eýesi” diýen ada mynasyp bolanlara Türkmenistanyň Prezidentiniň adyndan gymmat bahaly sowgatlar, şahadatnama we Magtymguly Pyragynyň doglan gününiň 300 ýyllygyna bagyşlanan “Magtymguly” kitaby dabaraly ýagdaýda gowşuryldy.
Belläp geçsek, Ýaşlar guramasy 1991-nji ýylyň 16-njy noýabrynda döredildi.
