Ýaponiýanyň meterologiýa boýunça esasy emeli hemrasy bölekleýin hatardan çykdy

  • 12.11.2024 17:58
  • 6.1k+

Ýaponiýanyň meterologiýa boýunça esasy emeli hemrasy bolan "Himawari-9" (Günebakar-9) bölekleýin hatardan çykdy. Ýurduň Milli meteorologiýa dolandyryş Merkeziniň aýtmagyna görä, ol ilkinji nobatda Ýeriň ýüzünden infragyzyl şöhlelenmäniň tapylmagy bilen baglanyşykly suratlary ibermegini bes etdi. Bu barada rambler.ru habar berýär.

Şol bir wagtyň özünde, bölümiň habaryna görä, emeli hemra taýfunlaryň, güýçli ýagyşlaryň, ýelleriň hem-de deňizdäki gomlaryň we ş.m. hereketleriň boljakdygyny duýdurmagyny dowam edýär. Meterologiýa dolandyryş merkezi häzirki wagtda emeli hemranyň nämesiniň hatardan çykanyny doly anyklap bilmeýär we haçan düzediljekdigini-de aýtmaýar.
"Himawari" geostasionar hemralaryň maşgalasyndan bolup, olaryň ilkinjisi 1977-nji ýylda uçuryldy. Ýaponiýadan başga-da, Gündogar we Günorta-Gündogar Aziýanyň, Awstraliýanyň hem-de Täze Zelandiýanyň meteorologiýa bölümleri bu enjamlardan maglumatlary alyp ulanýarlar. Bu hemralar howa şertleriniň üýtgemegine gözegçilik etmäge we tebigy betbagtçylyklary duýduryş bermäge kömek edýän maglumatlary ýygnaýar.
"Himawari-9" 2016-njy ýylyň noýabr aýynda orbita çykaryldy diýip, rbc.ru ýazýar.


08.11.2025 07:13
4.5k+

Ýaponiýada ýabany köklerden alnan täze üzüm sorty döredildi

Okaýamanyň Tebigy ylymlary uniwersitetiniň alymlary Muskat Siragaý atly täze üzüm sortuny döretdiler. ScienceDaily-niň ýazmagyna görä, ol süýjüligi we ýumşak tagamy bilen tapawutlanýar hem-de geljekde giň gerimde ösdürip ýetişdirmek üçin uly mümkinçiliklere eýe...

05.11.2025 10:14
2.8k+

Ýapon alymlary meduzanyň täze görnüşini tapdylar we oňa samuraýyň adyny dakdylar

Ýaponiýanyň Sendaý aýlagynda fizaliýa diýlip atlandyrylýan zäherli meduzanyň täze görnüşi tapyldy. Kobalt-gök reňkli bu jandar öz adyny ýerli meşhur samuraý — feodal Date Masamuneniň hormatyna aldy. Täze görnüşe Physalia mikazuki (“ýarymaýly tuwulga geýen adam”) diýlip at berildi...

06.10.2025 10:54
7.7k+

Oguz han adyndaky Inžener-tehnologiýalar uniwersitetiniň mugallymlary Ýaponiýada iş saparynda bolýarlar

Türkmenistanyň Oguz han adyndaky Inžener-tehnologiýalar uniwersitetiniň iki mugallymy öňdebaryjy bilim we ylmy tejribeleri özleşdirmek maksady bilen Ýaponiýa gitdiler. Olar 1-17-nji oktýabr aralygynda Ýaponiýanyň Kawasaki şäherinde ýerleşýän we dünýäniň öňdebaryjy ylmy-barlag merkezleriniň biri bolan ICONM – Nanomedisina Innowasiýa Merkezinde tejribe okuwlaryna gatnaşýarlar...

30.09.2025 10:12
3k+

Hytaý 2024-nji ýyla çenli ähli ýurtlardan öňe geçip, 300 müň senagat robotyny gurnady

Halkara Robototehnika federasiýasynyň hasabatyna görä, 2024-nji ýyla çenli Hytaýda, takmynan, 300 müň senagat roboty gurnaldy, bu dünýäniň ähli ýurtlarynyň bilelikde gurnanyndan hem köpdür. Umuman alanyňda, häzirki wagtda Hytaýyň zawodlarynda şeýle maşynlaryň 2 milliondan gowragy işleýär...