9-njy noýabrda Prezident Serdar Berdimuhamedow bag nahalyny oturdyp, güýzki ählihalk bag ekmek dabarasyna badalga berdi Bu barada TDH habar berýär.
Çäräniň dowamynda Serdar Berdimuhamedow wise-premýerler bilen söhbetdeş boldy.
Ählihalk bag ekmek dabarasynyň geçirilýän ýerinde oba hojalyk toplumyna gözegçilik edýän wise-premýer T.Atahallyýew Serdar Berdimuhamedowa tutuş ýurdumyz boýunça geçirilýän ählihalk bag ekmek dabarasynyň barşy barada habar berdi.
Soňra Aşgabada gözegçilik edýän wise-premýer B.Annamämmedow ýurdumyzyň baş şäherini abadanlaşdyrmak, onuň çäklerinde arassaçylyk işlerini geçirmek boýunça ýerine ýetirilýän işler, şeýle hem paýtagtymyzda alnyp barylýan gurluşyk işleri barada habar berdi.
Ählihalk bak ekmek dabarasynyň barşynda tutuş ýurdumyz boýunça bag nahallarynyň 539 müň 185 düýbi ekildi. Şeýle hem seýilgähleri we tokaý zolaklaryny arassalamak hem-de abadanlaşdyrmak işleri bilen birlikde jemi 2 million 67 müň 630 düýp baga ideg etmek işleri geçirildi.
