Awstriýada bir çaga, takmynan, 130 müň ýyl bolan pil süňküni tapdy. Bu barada Kronen Zeitung gazeti habar berýär.
Mattersburgda başlanan gazuw-agtaryş işleri netijesinde uzynlygy 1,8 metrden gowrak pil süňki ele salyndy. Häkimiýet adamlary Wulka derýasynyň ýakasynda silden goramak üçin suw howdanyny gurmaga başlapdylar. Geçen dynç güni bu tapyndy sebitde welosiped sürüp ýören sekiz ýaşly Anri Pingitseriň gözüne ildi.
Şu wagta çenli Awstriýanyň gündogar sebitindäki Burgenlanddan şuňa meňzeş hiç bir zat tapylmandy, müňlerçe ýyl ozal Ýewropada mamontdan has köne tokaý piliniň ýaşaýandygy mälimdir. Haýwanyň boýy dört metr töweregi bolup, onuň agramy 10 tonna barabar çaklanylýar. Döwründe neandertallar üçin bu piliň eti gymmatly iýmit çeşmesi bolupdyr.
Gadymy piliň galyndylaryny tapmak seýrek waka, şonuň üçin Mattersburgyň häkimi Klaudia Şlager ýaş Anriniň açyşyny eşidip begendi we bu tapyndyny "sebitiň taryhynyň özboluşly subutnamasy" diýip atlandyrdy. Indi bu tapyndyny şäher muzeýinde görkezjek bolýarlar diýip, rambler.ru ýazýar.
