Türkmenistanyň Magtymguly adyndaky Ýaşlar guramasynyň Merkezi geňeşiniň ýanyndaky «Arkadagly Ýaşlar» elektron žurnalynyň täze sany okyjylara ýetirildi.
Žurnalyň täze sanynda Türkmenistanyň Prezidentiniň milli gymmatlyklara bagyşlanan sözleri bilen açylýar.
Žurnalda döwlet Baştutanynyň Tatarystan Respublikasyna sapary, Änew şäheriniň «Türki dünýäsiniň medeni paýtagty» diýlip yglan edilmegine bagyşlanyp, gadymy şäherde ýakynda geçirilen dabaralar, Saglygy goraýyş we derman senagaty işgärleriniň güni we Magtymguly Pyragynyň 300 ýyllygy mynasybetli baýramçylyklara degişli makalalar bar.
Şeýle hem žurnalda türkmen türgenleriniň üstünliklerine, Wena balyna, merjen şäherimizde gazak şahyry Abaý Kunanbaýewiň heýkeliniň oturdylmagyna, Türkmen alabaýynyň baýramyna bagyşlanan makalalar bar.
Žurnal sahypalarynda dilleriň öwrenilmegi, edep kadalary, türkmen radiosynyň taryhy we milli tagamlaryň taýýarlanylyşy ýaly mowzuklar boýunça maglumatlar berilýär.
Žurnalyň täze sanyna www.turkmenmetbugat.gov.tm saýty arkaly girip bolýar.
