LEGO kompaniýasy Universal Pictures bilen hyzmatdaşlykda üç sany täze oýun filmini çykarar. Bu barada Variety habar berýär.
Geljekki filmleriň sýužeti barada maglumatlar häzirlikçe ýok, ýöne her bir taslama üçin režissýorlar eýýäm kesgitlenildi.
Filmleriň biriniň režissýory hökmünde “Jumanji” franşizasy («Джуманджи») we “Örän erbet mugallym” («Очень плохая училка») filmi bilen tanalýan Jeýk Kezdan çykyş eder. Ol Endrýu Mogel we Jarrad Pol tarapyndan ýazylan ssenariýanyň üstünde işlär. Onuň taslamasy özboluşly ideýa hem-de Mett Mider bilen Kewin Berrouzyň ssenariýasynyň garalamasyna esaslanýar. Ol Melwin Mar bilen bilelikde prodýuser hökmünde-de çykyş eder.
Beýleki bir filmi döretmäge “Täsin zenan” («Чудо-женщина») filminiň režissýory Patti Jenkins gatnaşar. Taslama üçin ssenariýa “Täsin zenan: 1984” («Чудо-женщина: 1984») filminiň üstünde işlän Jeff Jons bilen awtordaşlykda ýazyldy.
“Şa bolmak üçin doglan” («Рожденный стать королем») filmi bilen tanalýan režissýor Jo Korniş ilkibaşda Hizer Enn Kempbell tarapyndan döredilen ssenariýany täzeden ýazmak bilen meşgullanar.
Universal Pictures bilen LEGO-nyň arasyndaky hyzmatdaşlyk on ýyldan gowrak wagt ozal LEGO Jurassic World hataryndan we wideo oýunlardan başlady. Bu hyzmatdaşlygyň üstünligi “Lego. Film” (2014) («Лего. Фильм» (2014) boldy we ol “Lego Film: Betmen” («Лего Фильм: Бэтмен»), “Lego Nindzýago Film” («Лего Ниндзяго Фильм») we “Lego Film-2” («Лего Фильм-2») filmleriniň döremegine ýol açdy.
