31-nji oktýabrda Türkmenistanyň daşary işler ministriniň orunbasary Ahmet Gurbanow Beýik Britaniýanyň Arkalaşygyň işleri we ösüş boýunça daşary işler ministriniň orunbasary, Parlamentiň agzasy Stiwen Douti bilen wideoaragatnaşyk ulgamy akaly duşuşyk geçirdi. Bu barada Türkmenistanyň DIM-niň Metbugat gullugy habar berýär.
Duşuşygyň çäginde syýasy-diplomatik, söwda-ykdysady we medeni-ynsanperwer ugurlar boýunça ikitaraplaýyn hyzmatdaşlygyň, şeýle hem sebit we halkara gün tertibiniň meseleleriniň giň toplumy ara alnyp maslahatlaşyldy.
Durmuş pudagy döwletara gatnaşyklaryň möhüm ugry hökmünde kesgitlenildi. Şu nukdaýnazardan diplomatlar medeniýet we bilim, hususan-da Türkmenistanda iňlis dilini öwrenmek babatynda oňyn hyzmatdaşlygy tassykladylar.
