“Oskar” baýragynyň eýesi Robert Dauni-kiçi emeli aňyň kömegi bilen özüniň sanly nusgasynyň döredilmegine düýbünden garşy çykýar. Aktýor hatda ölenden soň hem öz obrazynyň ulanylmagyny islemeýär. Bu barada ol “On with Kara Swisher” podkastynda aýtdy.
Demir adamyň roluny ýerine ýetiriji, eger studiýa ýolbaşçylary hatda ol ölenden soň onuň obrazyny ulanmak isleseler, hukukçylar tarapyndan hukuklarynyň goraljakdygyny we degişli adamlara çäre görüljekdigini aýtdy.
Ýöne Dauni-kiçi Marvel studiýasynyň hatda Demir adam personažyny gaýtadan dikeltmek üçin-de şeýle hereketi etmejekdigine ynanýar.
“Men bolaýyn ýa-da bolmaýyn, olar muny hiç haçan etmezdi” – diýip, aktýor belledi.
Häzir aktýor dramaturg Aýýad Ahtaryň “MakNil” pýesasynyň sahnalaşdyrylmagyna gatnaşýar. Bellenilişi ýaly, spektakl emeli aň pudagynda korporasiýalaryň agdyklyk etmek meselesine bagyşlanýar we onda, beýlekiler bilen bir hatarda, OpenAI-iň baş müdiri Sem Altmanyň obrazyna-da salgylanmalar bar. Şeýle-de, Dauni-kiçi supergahrymanlaryň älemine gaýdyp gelmäge taýýarlanýar – ol “Ar alyjylar: Kyýamat güni” (Мстители: Судный день) filminde Doktor Dumyň keşbini ýerine ýetirer. Filmiň premýerasy 2026-njy ýyla meýilleşdirilýär.
