Apple kompaniýasy M4 çibi we täze Apple Intelligence funksiýalary bilen enjamlaşdyrylan Mac Mini-niň täze wersiýasyny hödürledi. Her tarapy bary-ýogy 5 dýuým ölçegli ykjam gurluş gaýtadan seredilen dizaýny we innowasion sowadyş ulgamyny görkezýär diýip, Overclockers habar berýär.
Täze Mac Mini-niň ýylylyk arhitektura ulgamy howany tutuş ulgam boýunça ýaýradýar, wentilýasiýa bolsa diňe kompýuteriň esasynyň üsti bilen gönükdirilýär.
Göwrüminiň kiçidigine garamazdan, Mac Mini portlaryň uly toplumyny saklaýar: öňdäki panelde iki USB-C we nauşnik üçin ýer, yzky panelde bolsa Ethernet, HDMI we Thunderbolt goldawy bilen üç USB-C bar. Bu portlaryň tizligi M4 prosessorynyň görnüşine baglydyr. M4 wersiýa Thunderbolt 4 birikmesini goldaýar, M4 Pro bolsa has ýokary okaýyş we ýazgy tizligi bilen iň täze Thunderbolt 5 birikmesini üpjün edýär.
Şeýle-de, Mac Mini ýokary öndürijilige eýe boldy. Esasy wersiýa M4-de 10 CPU we GPU ýadrosy, M4 Pro-da bolsa 14 CPU we 20 GPU ýadrosy bar. Operatiw ýat Apple Intelligence funksiýalaryny goldamak üçin 16 GB-den başlaýar. Ulanyjylar 32 GB-den M4 Pro wersiýasy bilen 64 GB çenli görnüşi-de saýlap bilerler.
Täze gurluşlarda maglumatlary saklamak ulgamy hem şeýle kiçijik gurluş üçin täsirli 8TB çenli giňelýär.
Has çalt simli birikmäni gözleýän ulanyjylar üçin goşmaça täzelenme hökmünde 10 gigabit Ethernet hem elýeterlidir.
Esasy M4 modeli üçin baha 599 dollardan, has kuwwatly M4 Pro üçin bolsa 1399 dollardan başlaýar. Gurluş deslapky sargyt üçin eýýäm elýeterli, satuwa bolsa 8-nji noýabrda çykarylar.
