Elektromobillere bolan isleg azalýar. Şol sebäpli köp awtoulag öndürijileri içinden ýandyrylýan hereketlendirijileri bolan modellerden ýüz öwürmek strategiýalaryna täzeden seredýärler. Şeýlede bolsa elektromobil bazarynyň lideri Tesla Ýewropada, Hytaýda we ABŞ-da durnukly ösüşi görkezmegini dowam etdirýär diýip, IT Home habar berýär.
Ilon Maskyň kompaniýasy 2024-nji ýylyň üçünji çärýeginde dünýä bazaryny 463,000 elektromobil bilen üpjün etjekdigini habar beripdi, bu bolsa Tesla üçin täze rekord boldy.
Hytaýda Model Y ýanwar-sentýabr aralygynda iň köp satylan model boldy, sentýabr aýynda bolsa Ýewropada öňdeligi eýeledi. Şwesiýa, Niderlandlar, Daniýa we Şweýsariýa ýaly ýurtlarda Model Y ýyllyk satuwlarynda birinji ýerde durýar. ABŞ-da bolsa iň meşhur modeller Model Y, Model 3 we Cybertruck boldy.
Mask 2025-nji ýylda üpjünçiligi 20-30% artdyrmagy meýilleşdirýändigini aýtdy. Ol: “Biz elektromobilleriň sarp edijiler üçin iň gowy saýlawdygyna ynanýarys” – diýdi.
22-nji oktýabrda Tesla-nyň 7 million awtoulag öndürmegini belländigini, 27-nji oktýabrda bolsa millionynjy Model Y modeliniň “Frimonte” zawodyndan çykandygyny ýatladýarys.
