Google kompaniýasy Google Photos programmasyna ulanyjylara suratlaryň emeli aň (AI) ulanyp redaktirlenendigini ýa-da däldigini habar berjek täzelenme goşdy. Kompaniýanyň resmi blogynda habar bermegine görä, täze funksiýa şu hepdeden programmada elýeterli bolar.
Magic Editor, Magic Eraser we Zoom Enhance gurallarynyň kömegi bilen redaktirlenen suratlar üçin “Jikme-jiklikler” bölüminde ýörite “Google AI bilen redaktirlenen” diýen bellik peýda bolar. Mundan başga-da, AI redaktirlemesi baradaky maglumatlar surat meta maglumatlaryna goşular. Bu üýtgeşikme birleşdirilen şekilleri döredýän Best Take and Add Me aýratynlyklaryna hem täsir eder.
Şeýle bellikleriň girizilmegi ulanyjylaryň AI tarapyndan döredilen mazmunda bellikleriň ýokdugy baradaky tankytlaryna jogap boldy. Şeýle-de bolsa, ulgam şekillere görünýän suw belliklerini goşmagy göz öňünde tutmaýar.
Google Photos aragatnaşygy boýunça menejer Maýkl Markoni: "Biz redaktirlemekde AI-niň ulanylmagyny has aç-açan etmek üçin seslenmeleri jemlemegi we howpsuzlyk çärelerini kämilleşdirmegi dowam etdireris" – diýip belledi.
Google AI tarapyndan döredilen mazmunyň markalanmagyny ýylyň ahyryna çenli giňeltmegi we gözleg ulgamyna girizmegi meýilleşdirýär.
Google-yň AI tarapyndan döredilen tekstlere bellik edip başlandygyny öň habar beripdik.
