Aýyjyk Paddington resmi taýdan Britaniýanyň pasportynyň eýesi boldy. Çagalar kitaplarynyň meşhur gahrymanyna bu resminama Beýik Britaniýanyň Içeri işler ministrligi (Houm-ofis) tarapyndan berildi.
Bu garaşylmadyk ädim “Paddingtonyň başdangeçirmeleri 3” filminiň prodýuseriniň haýyşyna jogap hökmünde ýerine ýetirildi diýip, The Guardian ýazýar.
Prodýuser Rob Silwa wakalary Peruwda bolup geçýän filmde ulanmak üçin pasport nusgasyny bermek haýyşy bilen edara ýüz tutdy. Houm-ofis bolsa muňa degişme bilen seslenip, Paddington üçin suratly we onuň “aýydygyny” resmi görkezme bilen hakyky pasport berdi.
“Biz Içeri işler ministrligine pasport nusgasyny bermegi haýyş etdik, olar bolsa Paddington üçin resmi şahadatnamany taýýarladylar – bu şeýle ýeke-täk ýagdaý” – diýip, Silwa gürrüň berdi.
Filmiň üçünji bölüminde baş keşplerde Antonio Banderas we Oliwiýa Kolman çykyş etdi. Sýužet meýilnamalaryna garamazdan, býurokratik kynçylyklar sebäpli film Peruwda däl-de, Kolumbiýada surata düşürildi.
