Microsoft-yň esaslandyryjysy Bill Geýts emeli aň (AI) bilen baglanyşykly bolup biljek töwekgelçilikleri ýadro ýaraglary we bioterrorçylyk ýaly ählumumy howplar bilen deňeşdirdi. Milliarder “Daily Mirror” gazetine beren interwýusynda bu mesele baradaky pikirlerini paýlaşdy.
“Biz düýpli ösüş gazandyk. [Ýöne] <…> howanyň üýtgemegi, ýadro ýaraglary, bioterrorçylyk we emeli aň bar”-diýip Geýts emeli aňyň “haýran galdyryjy we birneme eýmendiriji” ösüş depginini häsiýetlendirdi.
Şol bir wagtyň özünde, milliarder emelli aňyň dürli ugurlarda (lukmançylyk, bilim) oňyn netijeleri berip biljekdigini hem belläp geçdi.
Ozal Geýts “The Independent” gazetine beren interwýusynda emeli aňyň öňki tehnologiýa ösüşlerine görä, jemgyýeti üýtgetmek mümkinçiliginiň has uludygyny belläp geçdi. Ol AI tehnologiýalarynyň “çäginiň ýokdugyny” we geljekde bu ugurdaky uly öwrülişigiň jemgyýete global derejesinde täsir edip biljekdigini aýtdy.
Şeýle hem Geýts The Verge bilen geçirilen söhbetdeşlikde emeli aňyň adamzadyň ýok edilmegine sebäp bolup biljekdigi baradaky garaýyşlara şübhe bildirdi.
