16-17-nji oktýabrda Türkmen oba hojalyk institutynda ýurdumyzyň hem-de daşary ýurtlaryň ýokary okuw mekdepleriniň talyplarynyň arasynda sanly ulgam arkaly“Agroinnowasiýalar: durnukly ösüşiň röwşen ýoly” atly ylmy-taslamalar bäsleşigi geçirildi.
Institutyň metbugat gullugynyň habar bermegine görä, halkara derejesinde geçirilen bu bäsleşige daşary ýurt döwletleriniň 26 sany ýokary okuw mekdeplerinden jemi 50 sany, ýurdumyzyň 16 sany ýokary okuw mekdeplerinden 100-den gowrak ylmy-taslama işleri hödürlendi.
Bäsleşigiň netijeleri üç ugur boýunça jemlendi.
- Oba hojalyk taslamalary ugry boýunça I orna daşary ýurtlaryň hem-de ýurdumyzyň ýokary okuw mekdepleriniň 5 sany talyby, II orna 13 sany talyp, III orna 16 sany talyp mynasyp boldular. Bu ugur boýunça Twer döwlet oba hojalyk akademiýasynyň talyby Sokolow Stepan Anatolýewiç, Belorus döwlet agrar tehniki uniwersitetiniň talyby Sawelýewa Sabrina Wladimirowna, Türkmen oba hojalyk institutynyň talyby Berdiýewa Bahar Bagtyýarowna, Türkmenistanyň Inžener-tehniki we ulag kommunikasiýalary institutynyň talyby Atahanow Bagtyýar Ýazgeldiýewiç, Çuwaş döwlet agrar uniwersitetiniň talyby Gromow Nikita Mihaýlowiç I orna mynasyp boldular.
- Işewürlik taslamalary ugry boýunça Başgyrt döwlet agrar uniwersitetiniň talyby Abzalilowa Ýelena Ýewgenýewnanyň, Ural döwlet ykdysadyýet uniwersitetiniň talyby Džalilow Bagi Wahid oglunyň çykyşlary I orna mynasyp boldy.
- IT taslamalary ugry boýunça Ýaponiýanyň Tokai uniwersitetiniň talyby Ataýew Aşyrgeldi Merdanowiç, Samarkant döwlet weterinar lukmançylygy, maldarçylyk we biotehnologiýalar uniwersitetiniň talyby Hematullaýew Ozodbek Utkurowiç I orna mynasyp boldular.
Halkara ylmy-taslamalar bäsleşiginiň netijeleri barada giňişleýin maglumaty institutyň saýtynda şu salgydan görüp bilersiňiz.
