Hytaýyň Robot Era kompaniýasy öz flagman Star1 gumanoid robotlarynyň täze mümkinçiliklerini görkezmek üçin Gobi çölünde ylgaw synagyny geçirdi. Ylgawyň dowamynda iki robot özara ýaryşyp, çölüň iň çylşyrymly ýollaryny we landşaftlaryny geçdiler. Bu barada New Atlas neşiri habar berýär.
Robotlaryň biriniň tapawutly aýratynlygy onuň sport aýakgaby boldy, beýlekisi bolsa onsuz ylgady. Giç başlandygyna garamazdan, krossowkaly robot garşydaşynyň yzyndan ýetip, ondan öňe geçip bildi. Ol 34 minutyň dowamynda sekuntda 3,6 metr tizligine ýetmegi başardy.
Robotlaryň ikisi-de güýçli hereketlendirijiler we ýokary tizlikli aragatnaşyk modullary bilen enjamlaşdyryldy, bu hem olara daşky gurşaw bilen netijeli täsirleşmäge we dürli şertlere uýgunlaşmaga mümkinçilik berýär. Flagman robotyň beýikligi 1,71 m, agramy bolsa 65 kg barabar.
2023-nji ýylyň awgust aýynda Sinhua uniwersitetinde esaslandyrylan Robot Era kompaniýasy emeli aň tarapyndan dolandyrylýan hemmetaraplaýyn gumanoid robotlary hojalyk we professional gurşawa ornaşdyrmaga ymtylýar. Star1-iň hem bu mümkinçilikleriniň görkezilmegi bu maksada ýetmekde ýene bir ädimdir.
