Adobe kompaniýasy her ýyl geçirilýän Adobe Max konferensiýasynda Creative Cloud programmalary üçin AI bilen işleýän täze funksiýalary hödürledi. Täzelenmeler Photoshop-a, Illustrator-a, InDesign-a we Premiere Pro-a degişlidir. Firefly neýrosetine esaslanýan täze gurallar köp wagt talap edýän meseleleriň ýerine ýetirilmegini çaltlaşdyrmaga kömek eder diýip, The Verge neşiri belleýär.
Esasy täzelikler:
- Photoshop: Täzelenen Remove Tool funksiýasy şekillerdäki gerekmejek zatlary awtomatiki usulda aýyrýan (üstünden çotga ýöretmek ýeterlik) Distraction Remove görnüşinde goşmaça aldy. Generative Expand we Generative Fill gurallary fotorealizmi gowulandyrmak we çylşyrymly talaplaryň üstünde işlemek üçin Firefly 3 integrasiýasy bilen täzelendi.
- Illustrator: Obýektleri sudury boýunça çeýelik bilen ondan-oňa geçirmäge mümkinçilik berýän Object on Path funksiýasy goşuldy. 3D modeller üçin Mockup guraly hemmeler üçin elýeterli boldy we rastr şekilleri (JPEG, PNG, PSD we ş.m.) ulalýan wektor şekillerine öwürýän Image Trace funksiýasy täzelendi. Adobe-iň berýän maglumatlaryna görä, bu funksiýa indi “asyl şekile has laýyk gelýän arassa çyzykly takyk diýen ýaly wektor şekilleri” öndürýär.
- InDesign: Generative Expand gural integrasiýasy maket üçin şekilleriň ölçegini aňsatlyk bilen üýtgetmäge mümkinçilik berýär.
- Premiere Pro: Täze Generative Extend AI funksiýasy hödürlendi. Ol wideonyň başynda, ahyrynda ýa-da wideonyň başga bir böleginde ony birnäçe sekunt uzaltmaga mümkinçilik berer. Kebşirleme wagtynda kadrdaky adamyň nazaryny ýa-da gerekmejek hereketlerini üýtgetmek ýaly, ownuk kemçilikleri düzetmeli bolsaňyz, bu peýdaly bolup biler. Şeýle-de bolsa, wideony diňe iki sekunt uzaldyp bilersiňiz, şonuň üçin diňe ownuk üýtgeşmeler girizmek üçin amatly. Ulanyjy ses effektini ýa-da daş-töwerekdäki sesleri 10 sekunta çenli uzaldyp biler, ýöne muny jaň ýazgylary ýa-da aýdymyň sazlary babatda edip bolmaz. Şeýle hem, programma Text-to-Video we Image-to-Video ýaly geljekde wideonyň üstünde işlemek aýratynlyklary üçin Firefly Video Model-i synagdan geçirýär, bu size tekste we suratlara esaslanýan wideo döretmäge mümkinçilik berýär.
