Türkiýäniň Beýik Millet Mejlisiniň başlygy Numan Kurtulmuş Magtymguly Pyragynyň doglan gününiň 300 ýyllygyna bagyşlanan halkara forumyna gatnaşmak üçin 10-11-nji oktýabrda Türkmenistanda resmi saparda bolar. Bu barada Türkiýäniň Beýik Millet Mejlisiniň resmi saýtynda habar berilýär.
Bellenilişi ýaly, forumyň çäklerinde birnäçe ikiçäk duşuşyklar geçiriler. Şeýle hem Türkmenistanyň Mejlisiniň Başlygy Dünýägözel Gulmanowa bilen duşuşyk göz öňünde tutulýar.
Şeýle hem Türkiýäniň Beýik Millet Mejlisiniň başlygy Numan Kurtulmuşyň türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem-de Türkmenistanyň Prezidenti Serdar Berdimuhamedow bilen duşuşygy göz öňünde tutulýar.
