Şu gün, 7-nji oktýabrda Prezident Serdar Berdimuhamedow iki günlük iş sapary bilen Russiýa Federasiýasyna bardy. Saparynyň dowamynda döwlet Baştutany Moskwa şäherinde Garaşsyz Döwletleriň Arkalaşyklarynyň döwlet Baştutanlarynyň Geňeşiniň mejlisine gatnaşar diýip, Türkmenistanyň Döwlet habarlar agentligi habar berýär.
Aşgabadyň Halkara howa menzilinden döwlet Baştutanyny resmi adamlar ugratdylar.
Moskwada "Wnukowo-2" howa menzilinde Türkmenistanyň Prezidentini RF-niň resmi adamlary garşy aldylar.
Howa menzilinden Serdar Berdimuhamedow sapar wagtynda özüne berlen kabulhanasyna ugrady.
Ertir, 8-nji oktýabrda Moskwada GDA-nyň döwlet Baştutanlarynyň Geňeşiniň mejlisi geçiriler.
