4-nji oktýabrda Türkmenistanyň Gruziýadaky ilçisi D.Seýitmämmedow Gruziýanyň ykdysadyýet we durnukly ösüş ministriniň orunbasary G.Guramişwili bilen duşuşdy. Bu barada Türkmenistanyň diplomatik wekilhanasynda habar berdiler.
Duşuşykda taraplar özara bähbitli ikitaraplaýyn söwda-ykdysady we maýa goýum hyzmatdaşlygyny mundan beýläk-de ösdürmek we çuňlaşdyrmak meselelerini ara alyp maslahatlaşdylar.
Ulag we energetika ulgamlary häzirki wagtda hyzmatdaşlygyň möhüm ugurlary hökmünde kesgitlenip, ulag-üstaşyr we energetika düzümini ösdürmekde bilelikdäki taslamalary durmuşa geçirmegiň mümkinçiliklerine seredildi. Ykdysady gatnaşyklaryny, senagat we energetika hyzmatdaşlygyny, söwda we maýa goýumlaryny ösdürmekde ulag we üstaşyr geçelgesiniň tutýan orny ýene bir gezek nygtadylar.
Duşuşygyň ahyrynda taraplar iki ýurduň halklarynyň bähbitleri üçin mundan beýläk hem işjeň hyzmatdaşlygy alyp barmaga taýýardyklaryny beýan etdiler.
