Türkmenistanyň we Polşanyň DIM-leriniň düzüm bölümleriniň ýolbaşçylary Aşgabatda geçiren geňeşmelerinde syýasy-diplomatik, söwda-ykdysady we medeni-ynsanperwer ugurlardaky gatnaşyklaryň häzirki ýagdaýy barada pikir alyşdylar.
Türkmen tarapyna Türkmenistanyň DIM-iň Ýewropa ýurtlary bölüminiň we Halkara ykdysady hyzmatdaşlygy bölüminiň ýolbaşçylary wekilçilik etdiler. Polşanyň wekiliýetine Polşa Respublikasynyň DIM-iň Gündogar departamentiniň direktorynyň orunbasary Marek Salka ýolbaşçylyk etdi.
Geňeşmeleriň dowamynda taraplar Türkmen-polýak hyzmatdaşlygyny pugtalandyrmaga bolan özara ygrarlylyk tassyklanyldy. Halkara düzümleriniň çäklerindäki özara gatnaşyklar barada giňişleýin pikir alyşmalar geçirildi.
Taraplar söwda-ykdysady we ulag-logistika ulgamlaryndaky hyzmatdaşlygy giňeltmäge aýratyn üns bermek bilen, dürli ugurlardaky özara bähbitli ikitaraplaýyn hyzmatdaşlygy işjeňleşdirmäge meýillidiklerini tassykladylar diýip, Türkmenistanyň DIM-niň metbugat gullugy habar berýär.
