10-njy oktýabrda Arkadag şäherinde VI Wena balyny geçirmäge taýýarlyk görülýär. Bu barada wise-premýer M.Mämmedowa anna güni geçirilen Hökümet mejlisinde döwlet Baştutanyna hasabat berdi diýip, TDH habar berýär.
Bu döredijilik çäresine Saglygy goraýyş we derman senagaty işgärleriniň güni mynasybetli baýramçylyk dabaralaryna, Magtymguly Pyragynyň doglan gününiň 300 ýyllygyna bagyşlanan “Döwürleriň we siwilizasiýalaryň özara arabaglanyşygy — parahatçylygyň we ösüşiň binýady” atly halkara foruma gatnaşýan daşary ýurtly myhmanlaryň gatnaşmagyna garaşylýar. Şunuň bilen baglylykda, Türkmenistanyň Prezidentiniň garamagyna bu medeni çäräni geçirmek bilen bagly degişli teklip hödürlenildi.
Serdar Berdimuhamedow VI Wena balyna gowy taýýarlyk görmegiň we ony ýokary derejede geçirmegiň möhümdigini belläp, wise-premýere birnäçe anyk tabşyryklary berdi.
