“Belent binalar we şäher gurşawy geňeşi" (CTBUH) halkara guramasynyň garaşsyz bilermenler topary 2024-nji ýylyň iň gowy beýik binasy baýragynyň ýeňijisini yglan etdi.
Bu ýyl Singapurdaky Pan Pacific Orchard myhmanhanasy iň gowy belent bina diýen ada eýe boldy. Binanyň beýikligi 150 metr bolup, ol 23 gatdan ybarat.
Pan Pacific Orchard Singapuryň esasy söwda etrabynda, meşhur Orçard-roud köçesinde ýerleşýär. Bu ýer Aziýanyň myhmansöýerligi bilen tebigy gözelligi öz içine alýan nusgawy binagärlik dizaýnyň sazlaşýan ýaşyl oazisidir.
Bina göwrüminiň aglaba bölegini Singapura tarap açylýan görnüşli baglary, howuzlary we amatly oturgyçlary bolan açyk terrasalaryň tutýandygy bilen tapawutlanýar. Mundan başga-da, 350 otagly myhmanhanada myhmanlara şäher durmuşynyň we tebigatynyň ajaýyp sazlaşygyny hödürleýän dürli amatlyklar bar.
