“Dedpul we Rosomaha” filmi sanly onlaýn platformalara çykdy. Bu filme eýýäm onlaýn tomaşa edip bolýandygyny aňladýar. Filmiň premýerasy 26-njy iýulda boldy.
Häzire çenli film 1,326 mlrd dollar gazanyp, 2024-nji ýylda iň girdejili filmleriň biri boldy. Ondan öňde diňe 1,694 mlrd dollar gazanan “Tapmaça 2” bar.
Şol bir wagtyň özünde, “Betmeniň” spin-offy bolan “Pingwin” serialy hem üstünlik gazanmagyny dowam etdirýär. Biz onuň 19-njy sentýabrdaky premýerasyndan bäri ilkinji dört günde 5,3 mln tomaşa ýygnandygyny habar beripdik. Häzir bolsa onuň birinji bölümine 11 günüň içinde 10,4 mln adamyň tomaşa edendigi belli boldy. HBO-nyň maglumatlaryna görä, bu görkeziji şeýle wagt aralygynda HBO-nyň diňe “Aždarhanyň öýi” we “The Last of Us” seriallaryndan yza galýar.
Ikinji bölüm görkezilen güni ähli platformalarda 1,6 mln tomaşaçyny ýygnady, bu bolsa ilkinji bölümiň birinji premýera günündäkiden 17% köpdür.
Ýatlap geçsek, Pingwiniň roluny Kolin Farrell ýerine ýetirdi, aktýor eýýäm “Betmende” (2022) bu otrisatel gahrymany oýnapdy. Serial 8 bölümden ybarat bolar.
