27-nji sentýabrda BMG-niň Baş Assambleýasynyň 79-njy mejlisiniň çäklerinde Eýranyň daşary işler ministri Abbas Aragçiniň başlyklyk etmeginde Ykdysady Hyzmatdaşlyk Guramasyna agza döwletleriň daşary işler ministrleriniň ýyllyk duşuşygy geçirildi diýip, Türkmenistanyň DIM-niň metbugat gullugy habar berýär.
Duşuşykda guramanyň çäklerindäki hyzmatdaşlygyň netijeleri we onuň häzirki ýagdaýy barada pikir alşyldy. Türkmenistanyň daşary işler ministri Raşid Meredow öz çykyşynda häzirki zaman ýagdaýlaryny göz öňünde tutup, durmuş adalatlylygy, energetika howpszulygy, durnukly ulag, daşky gurşawy goramak, sanlylaşdyrmak we beýleki ugurlarda strategiýalary işläp düzmegiň möhümdigini belledi.
Duşuşykda sebitiň durmuş-ykdysady ösüşine, şeýle hem Owganystanyň ösüşine itergi berjek ulag we üstaşyr infrastrukturalaryny giňeltmek mümkinçiliklerine garaldy.
Raşid Meredow birnäçe teklipleri öňe sürdi. Şonda sanly tehnologiýalar we elektrok söwda boýunça YHG-niň çarçuwaly ylalaşygyny işläp düzmek başlangyjy teklip edildi. Şeýle hem maglumat portalyny döretmek öňe sürüldi.
Energetika ulgamyndaky hyzmatdaşlyga hem üns berlip, Türkmenistanyň Ykdysady Hyzmatdaşlyk Guramasyna agza döwletleri tebigy gaz we elektrik energiýasyny ibermegiň mümkinçilikleri giňletmäge taýýardygyny bellenildi. Şunuň bilen baglylykda, Ykdysady Hyzmatdaşlyk Guramasynyň Sekretariatynyň ýokary derejedäki duşuşyklary guramak mümkinçiliklerini hem göz öňünde tutup, energetika we suw meselelerini çözmekde öňdebaryjy orun alyp biljekdigi bellenildi.
Şeýle hem türkmen tarapyny birnäçe başlangyçlar bilen çykyş etdi.
Hususan-da:
- Arkadag şäherinde Ykdysady Hyzmatdaşlyk Guramasynyň durnukly ösüş boýunça Birinji Forumyny guramaga atýýarlyk görmek
- Mary şäherini 2027-nji ýylda Ykdysady Hyzmatdaşlyk Guramasynyň syýahatçylyk paýtagty yglan etmek
- 2024-nji ýylda Türkmenistanda gaýtadan dikeldilýän energiýa boýunça toparyň 5-nji mejlisini geçirmek
- Ykdysady Hyzmatdaşlyk Guramasynyň çäklerinde serhetara söwda zolaklaryny döretmek.
