Türkmenistanyň Mazari-Şarif şäherindäki Baş konsuly Bazarbaý Käbäýew Owganystanyň Balh welaýatynyň gubernatory bilen duşuşyk geçirdi. Bu barada Owganystanyň “AVA” agentligi habar berýär.
Duşuşykda TOPH taslamasynyň durmuşa geçirilmegi, Türkmenistandan Owganystana elektrik energiýasynyň import edilmegi, iki ýurduň arasyndaky demirýoluň işledilmegi, oňaýly ykdysady gatnaşyklaryň ýola goýulmagy we söwdagärler üçin şertleriň döredilmegi iki tarapyň tagallalary bilen ösdürilýändigi barada bellenildi.
Türkmenistanyň Owganystanyň energetika taslamalaryna ýardam etjekdigi hem-de umumy serhet bilen berkidiljek söwda, üstaşyr, ykdysady gatnaşyklaryň ösdüriljekdigi barada konsul belledi.
Balh welaýatynyň gubernatory Mohammad Ýusuf Wafa öz gezeginde Owganystanda maýa goýumlar we daşary ýurt hyzmatdaşlar bilen söwda üçin oňaýly esasyň emele gelýändigi barada belledi. Owganystanyň ähli serhet nokatlarynda eksport we import harytlaryň hilini barlamak üçin niýetlenen häzirki zaman enjamlaryň ornaşdyrylandygy barada belläp, ol iki ýurduň arasynda düzgünleriň aňsatlaşdyrmagy bilen söwda möçberini ýokarlandyrmak mümkindigi barada aýratyn belläp geçdi.
Duşuşyga şeýle hem Agentligiň habarynda duşuşyga ýerli ýokary wezipeli adamlaryň, şol sanda Owganystanyň Nebit-gaz söwdagärleriň milli birleşiginiň başlygy Seýýed Karim Haşeminiň gatnaşandygy barada habar berýär.
