Kia kompaniýasy özüniň geljekki Tasman kysymly awtoulagynyň çarkandakly, ýol-ýodasyz ýerleri boýun egdirişini görkezmegi dowam etdirýär. 32cars.ru portalynyň habar bermegine görä, bu gezek öndüriji kompaniýa BAE-niň Al-Kudra çölünde geçirilen synaglarda düşürilen wideony paýlaşdy.
Kia Tasman-nyň prototipi jöwzaly howa şertlerine we ýer üstüniň gurluşy çarkandakly ýerlere çydamlylygyny barlamak üçin kyn synaglardan geçdi.
Tasman-yň synag nusgasy eýýäm 18 000-den gowrak synag tapgyryndan we 2000-e golaý ýörite synagdan geçdi. Pikap çuň suwly päsgelçilikleri, gum aňňatlaryny we agyr ýük daşamak ýaly gazaply şertleri ýeňip geçmek üçin niýetlenendir.
Tasman bilen bäsdeşleriniň arasyndaky esasy tapawut - ajaýyp geçijilik mümkinçiligini berýän korpus çarçuwasynyň gurluşydyr. Pikap 4x4 doly hereketli tekerler, peseldýän geçiriş we iň kyn päsgelçilikleri aňsatlyk bilen ýeňip geçmäge mümkinçilik berýän ösen asma ulgamy bilen enjamlaşdyrylandyr.
Kia hereketlendirijiniň jikme-jikliklerini häzirlikçe gizlin saklaýar, ýöne 200 at güýjüni öndürýän 2,2 litrlik CRDi dizel hereketlendirijisi barada myş-myşlar bar. Şeýle hem 3,5 litrlik goşa turbo görnüşli V6 we 3.0 litrlik dizelli wersiýalar ara alnyp maslahatlaşylýar.
Kia Tasman 2025-nji ýylyň birinji ýarymynda Günorta Koreýada, Ýakyn Gündogarda, Afrikada we Awstraliýada satuwa çykarylar. Pikap Ýewropa we Demirgazyk Amerika barmaz.
