Prezident Serdar Berdimuhamedow Türkmenistanyň «Hormatly il ýaşulusy» diýen ady dakmak hakynda Permana gol çekdi. Degişli resminama metbugatda çap edildi.
Bellenilişi ýaly, bu resminama Türkmenistanyň Garaşsyzlygyny berkitmekde, milli däp-dessurlaryny ösdürmekde, mähriban halkymyzyň agzybirligini hem-de jebisligini pugtalandyrmakda, ýaş nesillerimize edep-terbiýe bermekde uly işleri bitirýändiklerini hem-de durmuşda asylly görelde nusgasyny görkezýändiklerini nazara alyp, şeýle hem hemişelik Bitarap Türkmenistanyň beýik Garaşsyzlygynyň 33 ýyllyk baýramy mynasybetli kabul edildi.
Resminama laýyklykda, ýurdumyzyň şu raýatlaryna Türkmenistanyň «Hormatly il ýaşulusy» diýen at dakyldy:
- Türkmen döwlet maliýe institutynyň jemgyýeti öwreniş ylymlary kafedrasynyň müdiriniň wezipesini wagtlaýyn ýerine ýetiriji Meretguly Öwlýägulyýew,
- Aşgabat şäheriniň Büzmeýin etrabynyň ýaşaýjysy, pensioner Pirmuhammet Ymammuhammedowiç Hajylyýew,
- Aşgabat şäheriniň Büzmeýin etrabynyň ýaşaýjysy, pensioner Aşir Çaryýarow,
- Arkadag şäheriniň Gorjaw etrabynyň ýaşaýjysy, pensioner Muhammet Atamyradow,
- Ahal welaýatynyň Bäherden etrabynyň ýaşaýjysy, pensioner Atabaý Annaýew,
- Ahal welaýatynyň Gökdepe etrabynyň ýaşaýjysy, pensioner Annadurdy Taganow,
- Ahal welaýatynyň Babadaýhan etrabynyň ýaşaýjysy, pensioner Goçmyrat Orazgeldiýew,
- «Türkmennebit» döwlet konserniniň «Nebitgazçykaryş» trestiniň Gaz toplaýyş we akdyryş müdirliginiň «Goturdepe» gaz gysyjy stansiýasynyň maşinisti Orazdurdy Ataýewiç Hallyýew,
- Balkan welaýatynyň Balkanabat şäheriniň Gumdag şäherçesiniň ýaşaýjysy, pensioner Şyhy Şükürow,
- Balkan welaýatynyň Türkmenbaşy şäheriniň ýaşaýjysy, pensioner Gurbanmyrat Kitjanow,
- Daşoguz welaýatynyň Saparmyrat Türkmenbaşy etrabynyň Goşahowly geňeşliginiň ýaşaýjysy, pensioner Durdy Otuzowiç Durdyýew,
- Daşoguz welaýatynyň Köneürgenç etrabynyň Akgala geňeşliginiň ýaşaýjysy, pensioner Satgan Gurbanow,
- Daşoguz welaýatynyň Boldumsaz etrabynyň Abadanlyk geňeşliginiň ýaşaýjysy, pensioner Bazarbaý Togsanow,
- Lebap welaýatynyň Çärjew etrabynyň ýaşaýjysy, pensioner Kalandar Hojiýewiç Ýuldaşew,
- Lebap welaýatynyň Kerki etrabynyň Çekir geňeşliginden hususy atşynas Jumageldi Muhammedowiç Hoşwagtow,
- Lebap welaýatynyň Darganata etrabynyň Hojalyk geňeşliginiň ýaşaýjysy, pensioner Batyrbaý Babajanow,
- Mary welaýatynyň Mary etrabynyň Adalat geňeşliginiň Arykperreň obasynyň ýaşaýjysy, pensioner Baýrammyrat Berdimyradowiç Amanmyradow,
- Mary welaýatynyň Wekilbazar etrabynyň Mülkýusup geňeşliginiň Parahatlyk obasynyň ýaşaýjysy, pensioner Berdi Kulyýewiç Şirow,
- Mary welaýatynyň Türkmengala etrabynyň Türkmengala şäheriniň ýaşaýjysy, pensioner Jumamyrat Sahatowiç Muhammedow.
