Şu ýylyň 8-nji noýabrynda Aşgabat şäherinde Raýatsyzlygyň soňuna çykmak boýunça ýokary derejeli sebitleýin maslahaty geçirmek meýilleşdirilýär Bu forum Türkmenistanyň Prezidentiniň başlangyjyndan hem-de Türkmenistanyň BMG-niň Baş Assambleýasynyň 78-nji mejlisindäki ileri tutulýan garaýyşlaryndan ugur alnyp geçiriler. Bu barada anna güni Hökümet mejlisinde wise-premýer, daşary işler ministri R.Meredow Hökümet mejlisinde habar berdi.
Bu ugurda dünýä bileleşigini ýurdumyzyň oňyn tejribesi bilen tanyşdyrjak forumy BMG-niň Bosgunlaryň işi baradaky Ýokary Komissarynyň müdirligi bilen bilelikde geçirmek göz öňünde tutulýar.
“Watan” habarlar gepleşiginde habar berlişi ýaly, köp ýyllaryň dowamynda Türkmenistanyň Prezidentiniň Permanlary bilen ýurdumyzda ýaşaýan we şol bir wagtyň özünde hiç bir döwletiň raýaty bolmadyk 30 müň 998 adam Türkmenistanyň raýatlygyna kabul edildi. Şeýle hem häzirki wagta çenli 5 müň 18 daşary ýurt raýatlaryna we raýatlygy bolmadyk adamlara Türkmenistanda ýaşamak üçin ygtyýarnama berildi.
