Türkmenistanyň Bolgariýadaky ilçisi E.Aýdogdyýew bu ýurduň Prezidenti Rumen Georgiýew Radewe ynanç hatyny gowşurdy. Dabara 18-nji sentýabrda Sofia şäherindäki Prezident köşgünde geçirildi diýip, Türkmenistanyň DIM-nde habar berdiler.
Türkmenistanyň Bolgariýadaky ilçisi diplomatik işini Moskwa şäherinde oturan ýerinden alyp barar.
Duşuşygyň dowamynda ilçi Türkmenistanyň Prezidenti Serdar Berdimuhamedowyň we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Bolgariýanyň Prezidentine mähirli salamlaryny we iň gowy arzuwlaryny ýetirdi.
Şeýle hem türkmen tarapynyň syýasy-diplomatik, söwda-ykdysady we medeni-ynsanperwer ugurlar boýunça Türkmenistan bilen Bolgariýanyň arasyndaky dostlukly gatnaşyklary mundan beýläk-de ösdürmäge gyzyklanma bildirýändigi bellenildi.
Bolgariýa Respublikasynyň Prezidenti Rumen Georgiýew Radew Türkmenistanyň ýolbaşçylarynyň adyndan aýdylan mähirli sözler üçin minnetdarlyk bildirmek bilen, öz nobatynda Türkmenistanyň Prezidentine we türkmen halkynyň Milli Liderine dostlukly salamlaryny ýetirmegi haýyş etdi.
