Türkmenistanyň DIM-niň Halkara gatnaşyklary institutynda ýokary okuw mekdebiniň rektorynyň BAE-niň Türkmenistandaky Adatdan daşary we Doly ygtyýarly ilçisi Ahmet Al Hameli bilen duşuşygy boldy.
THP-niň habar bermegine görä, taraplar ylym we bilim ulgamynda hyzmatdaşlygy berkitmegiň geljegini ara alyp maslahatlaşdylar. Institutyň rektory HGI-niň bölümleriniň işi barada gürrüň berdi, beýleki daşary ýurtlaryň ýokary okuw mekdepleri bilen hyzmatdaşlyk tejribesi barada aýtdy.
Şeýle hem duşuşykda mundan beýläkki ylmy-bilim hyzmatdaşlygy üçin anyk ugurlar maslahatlaşyldy.
Mundan öň, BAE-niň Türkmenistandaky ilçisi Bedenterbiýe we sport baradaky komitetiň başlygy S.Ataýew bilen duşuşdy.
