Oracle Corporation-yň egindeş esaslandyryjysy we müdirler geňeşiniň başlygy Larri Ellison dünýäniň iň baý adamlarynyň reýtinginde Amazon-y esaslandyryjy Jeff Bezosdan öňe geçip, ikinji orny eýeledi. Bu barada Forbes Real-time Billionaires habar berýär.
Neşiriň maglumatlaryna görä, Ellisonyň baýlygy bir günde 9,4 mlrd dollar artyp, 207,1 mlrd dollara ýetdi. Şol bir wagtyň özünde Bezosyň baýlygy 1,5 mlrd dollar, 202,9 mlrd dollara çenli azaldy. Netijede, ol sanawda üçünji orna düşdi. Ilon Mask 251,1 mlrd dollar baýlygy bilen birinji orny saklaýar.
Yzygider bäşinji söwda sessiýasynda dowam edýän Oracle-yň paýnamalarynyň ösüşi esasy faktor boldy. Kompaniýanyň paýnamalarynyň bahasy 2024-2025-nji maliýe ýylynyň birinji çärýegi üçin maliýe hasabaty neşir edilenden soň 21,5% ýokarlandy. Bu hasabat analitikleriň çaklamasyndan ýokary boldy.
Oracle 1977-nji ýylda esaslandyryldy we Tehas ştatynyň Ostin şäherinde ýerleşýär. Kompaniýa dünýäniň öňdebaryjy programma üpjünçiligini öndürijileriniň biridir.
